વિજોગણ રાગ ટિટોડી.(ગીત.)
જીવ જો વિજોગણ, રાગ ટિટોડી.
જીવન તો માંગણ, રાખ મટોડી.
માંગણ=ભિખારી.
ટિટોડી(માદા પક્ષી) = ઈશ્વરને પામવા, એક બાઈ ઉપવાસ કરી વ્રત કરતી હતી.
ઘણા ઉપવાસ કરવાથી તે મરી ગઈ અને ટિટોડી જન્મી.
તેથી તે બોલે ત્યારે,`વ્રત કરતી`તી`, એમ એ ગાતી લાગે છે.
(સૌ.ગુ.લે.) Female Lapwing.
૧.
ઉગમ - આથમની, ચડતી-પડતી.
સમય જો ટાંકણ, ટાંક હથોડી.
જીવન તો માંગણ, રાખ મટોડી.
૨.
ઉપણ - લિંપણ, ઝાપટ ઝૂપટ.
સબંધ જો તાવણ, અગન પિછોડી.
જીવન તો માંગણ, રાખ મટોડી.
ઉપણ=સાફ કરવું;તાવણ=કસોટી;
અગન પિછોડી.= અગ્નિમય ચાદર.
૩.
સુખકર મંડિત, ખંડિત દુઃખકર.
મરણ જો ઢાંકણ, ઢાંકપિછોડી.
જીવન તો માંગણ, રાખ મટોડી.
(મંડિત = શોભિત; ખંડિત= વિખૂટું.)
૪.
આગમ - નિર્ગમને, રાજ ઘાટે,
યમે જ્યાં પાંપણ, પાંખ મરોડી.
જીવન તો માંગણ, રાખ મટોડી.
(આગમ-નિર્ગમ= આરંભ અને અંત.)
માર્કંડ દવે. તાઃ૧૨-૦૩-૨૦૧૩.
MARKAND DAVE
http://mktvfilms.blogspot.com (Hindi Articles)__._,_.___
| Reply via web post | Reply to sender | Reply to group | Start a New Topic | Messages in this topic (1) |
.
__,_._,___
No comments:
Post a Comment