રહેમાનની સ્કૂલનો સિતારોSource: Jwalant Chhaya, Samvad  મોરના ઈંડાને ચીતરવાના ન હોય.' રાઇટ? પરંતુ જો કોઈ એમ કહે કે મોરના ઈંડા પર રંગકામ થઈ રહ્યું છે તો? હા, આવી એક પ્રક્રિયા ચેન્નઇમાં ચાલી રહી છે. સિદ્ધ-પ્રસિદ્ધ સંગીતકાર, સિંક્રોનાઈઝેશનના સરતાજ એ. આર. રહેમાનના સંતાનોને રાજકોટનો એક યુવાન મ્યુઝિક શીખવે છે. બોલો, થઈ ને વાત મોરના ઈંડાને ચીતરવાની? ચિંતન ત્રિવેદી નામનો ૨૧ વર્ષનો છોકરો રાજકોટથી દોઢ વર્ષ પહેલા ચેન્નઈ ગયો માત્ર સંગીત શીખવા અને આજે તે એ. આર. રહેમાનના અગ્રહરોળના શિષ્યો અને તેની એકેડેમીના પેશનેટ ટીચર્સમાં સ્થાન પામે છે. હમણાં જ આવેલી 'રાવણ' ફિલ્મમાં ઐશ્વર્યા રાય જ્યારે પર્વત પરથી છલાંગ લગાવે છે તે અને વિક્રમ તથા બીરાના ફાઈટ સીનનું થ્રિલિંગ બેકગ્રાઉન્ડ મ્યુઝિક આખું ચિંતને વગાડ્યું છે. જેમાં વેસ્ટર્ન ક્લાસિકલ ઈન્સ્ટ´મેન્ટલ સિમ્ફનીનો ઉપયોગ થયો છે. તાજેતરમાં બહાર પડેલા કેટરિના કૈફે ગાયેલી રાયમ્સના આલ્બમમાં મ્યુઝિક સુપરવાઈઝર તરીકે રહેમાન અને મ્યુઝિક કંમ્પોઝર તરીકે ચિંતન ત્રિવેદી અને તેના કઝીન વિશષ્ઠ ત્રિવેદીનું નામ છે. ચિંતનની આ સંગીતની નાની જર્ની ઘણી રસપ્રદ છે. દસ દિવસ માટે પોતાના ઘરે રાજકોટ આવેલા ચિંતને રહેમાનની સંગીત સૃષ્ટિની સફર પોતાની વાતોમાં કરાવી: 'અમને જ્યારે ખબર પડી કે, રહેમાન સરને ઓસ્કર મળ્યો ત્યારે આખી એકેડેમીમાં ખુશીની લહેર છવાઈ ગઈ. તેમને એરપોર્ટ પર લેવા અમે ગયા ત્યારે એમણે એક બેગ આપીને કહ્યું, 'ટેઇક ધેટ'. ખબર છે, તેમાં શું હતું? ઓસ્કરની ટ્રોફી! રાત્રે અઢી વાગ્યે પાછા ફરતી વખતે અમે વ્હોટ નેકસ્ટ? એમણે એ જ ધૈર્યથી જવાબ આપ્યો, 'બસ, હવે પેન્ડિંગ કામો જલ્દીથી પૂરા કરીએ.' આટલી મોટી સિદ્ધિ પછી પણ એમની બોડી લેંગ્વેજમાં અહંકાર નહોતો. ચેન્નઈમાં કે. એમ. મ્યુઝિક કન્ઝર્વેટરીમાં હું સંગીત શીખું છું અને તે એ. આર. રહેમાનની છે. એકવાર હું પિયાનો પર પ્રેક્ટિસ કરતો હતો. અચાનક જ અમારા એક ફેકલ્ટીએ આવીને કહ્યું કે, રહેમાન સર બુલા રહે હૈ. હું અંદર ગયો મને કહે, હવે તારે અહિંયા વિદ્યાર્થીઓને અને મારા ઘરે મારાં બાળકોને સંગીત શીખવવાનું છે. રહેમાન સરની બે પુત્રી અને પુત્ર આમીનને મ્યુઝિક શીખવવાનું કામ મારા ભાગે આવ્યું. તેમનો દીકરો તેમની હાજરીમાં કંઈ પણ વગાડતાં શરમાય છે. એટલે તેમની સૂચના છે કે, હું આવું તો પણ તેને ન કહેવું. હું એમનાથી આટલો જુનિયર હોવા છતાં બાળકોની સાથે પોતે પણ ઘરે ક્યારેક મને હસીને 'ચિંતન સર' કહે. સરના ઘરની સામે એલ.જી.આર. કિડ્ઝ નામની સંસ્થા છે, આર્થિક રીતે નબળા વર્ગનાં બાળકોને તદ્દન રાહતદરે સંગીત શીખવવાનું કામ રહેમાન સરની આ સંસ્થા કરે છે અને અમે તેમાં પણ શીખવીએ છીએ. તાજેતરમાં જ દુરદર્શનની સુવર્ણ જયંતી વખતે સિલેકટેડ ૧પ સ્ટુડન્ટ્સને રહેમાન સર સાથે લાઈવ પરફોર્મ કરવાનો મોકો મળ્યો હતો. તેમાં મેં પણ આઠ રાગ વગાડ્યા હતા. તેમની સાથે સ્ટેજ પર હોવું એ પણ એક અલાયદો અનુભવ છે. અમેરિકન કોન્સ્યુલેટ દ્વારા તાજેતરમાં માર્ટિન લ્યુથર કિંગ અને મહાત્મા ગાંધી શીર્ષક અંતર્ગત એક કાર્યક્રમ થયો હતો. તેમાં વૈશ્ણવજન ભજન ફોર પાર્ટ હાર્મનીની સિમ્ફનીમાં અમે વગાડ્યું હતું.' આ ચિંતન એટલે રાજકોટમાં ૨૨ વર્ષથી મ્યુઝિકલ મેલોઝ નામની ઓરકેસ્ટ્રા ચલાવતા અને ગુજરાતના ચુનંદા કી-બોર્ડ પ્લેયર્સમાં શુમાર રાજુ ત્રિવેદીનો દીકરો. પરંતુ રાજુભાઇ કહે છે, 'ચિંતનને મેં 'સા' પણ શીખવ્યો નથી. એ મારી જાણ બહાર જ મને ઓબ્ઝર્વ કરતાં કરતાં શીખતો ગયો. દેશ-વિદેશની જાણીતી મ્યુઝિક સ્કૂલોમાં પણ એ જાતે જ એપ્લાય કરતો રહેતો. એ. આર. રહેમાનની ઇન્સ્ટિટ્યૂટમાંથી એડમશિનનો પત્ર આવ્યો ત્યારે છેક મને ખબર પડી. હું જે અરમાન પૂરા ન કરી શક્યો તે મારો દીકરો પૂરા કરે તેવી મનોકામનાથી મેં તેને ચેન્નઈ મોકલ્યો. ચિંતનના કાકા અશ્વિન ત્રિવેદીનું પણ તેની કારકિર્દીમાં અનેરું યોગદાન છે. અત્યારે ઘરે રાજકોટ આવેલો ચિંતન ૨૭ જુલાઇથી રહેમાન એકેડમીની ટુરમાં વિશ્વપ્રવાસે જશે. રાવણ, યુવરાજ ઉપરાંત ફાની, ઓરુ જીવન, યાકારુ પલકે જેવી તમિળ ફિલ્મોમાં એણે પોગ્રામ એરેન્જમેન્ટ કર્યું છે. ગીતમાં બે કડી વચ્ચેનો સંગીતનો પીસ કે કોઈ સીનના બેકગ્રાઉન્ડમાંના મ્યુઝિક મૂકવાના કામને પ્રોગ્રામ એરેન્જમેન્ટ કહે છે. રહેમાનની સાથે અત્યારે આ કામ ચિંતન પણ અન્ય મિત્રોની સાથે કરે છે. સતત નોટેશન્સ અને સિમ્ફનીઝમાં રત રહેતો ચિંતન કહે છે, 'મારું સપનું છે કે ગુજરાતમાં પણ વેસ્ટર્ન ક્લાસિકલ સંગીતનો વ્યાપ વધે અને એક સિમ્ફની ઓરકેસ્ટ્રા અહીં હોય.' અને હા, આટલું બધું વેસ્ટર્ન મ્યુઝિક જાણતો ચિંતન કહે છે, 'મારો બેઇઝ હિન્દી સિનેમાનાં જૂનાં ગીતો છે. મદનમોહન અને સલીલ ચૌધરીની ધૂનો મેં ખૂબ સાંભળી છે.' અર્થ એ કે, સંગીત નવું સતત બનતું રહે છે, પરંતુ સંગીત ક્યારેય જૂનું થતું નથી. |
__._,_.___
**************************************************************************
Click here to join Fun_4_Amdavadi_Gujarati Yahoo! Group
http://groups.yahoo.com/group/Fun_4_Amdavadi_Gujarati/join
**************************************************************************
Welcome to World's Biggest Gujarati Group
Pure Gujju Group with Young Gujju Members
Most happening & the only active Gujarati Group in the Universe
Meet Our New Generation & Make New Friends
This is the only biggest Gujarati Fun group, where you can meet NRI, Local Gujarati Guys & Gals with real fun, no junk at all.
This group is for LOCAL & NRI AMDAVADI GUJARATI PEOPLES, but any one can join, you will get lots of funny & great emails everyday. Please join with big mail box like Gmail or Yahoo or create new account to receive our emails. This group support all types of attachments
Regards,
Moderator, Fun_4_Amdavadi_Gujarati
***************************************************************************
Click here to join Fun_4_Amdavadi_Gujarati Yahoo! Group
http://groups.yahoo.com/group/Fun_4_Amdavadi_Gujarati/join
**************************************************************************
Welcome to World's Biggest Gujarati Group
Pure Gujju Group with Young Gujju Members
Most happening & the only active Gujarati Group in the Universe
Meet Our New Generation & Make New Friends
This is the only biggest Gujarati Fun group, where you can meet NRI, Local Gujarati Guys & Gals with real fun, no junk at all.
This group is for LOCAL & NRI AMDAVADI GUJARATI PEOPLES, but any one can join, you will get lots of funny & great emails everyday. Please join with big mail box like Gmail or Yahoo or create new account to receive our emails. This group support all types of attachments
Regards,
Moderator, Fun_4_Amdavadi_Gujarati
***************************************************************************
MARKETPLACE
.
__,_._,___
No comments:
Post a Comment